Framkvæmdir við nýja skrifstofubyggingu Icelandair við Flugvelli í Hafnarfirði hafa gengið samkvæmt áætlun. Stefnt er að því að flytja skrifstofur flugfélagsins úr Vatnsmýrinni í Reykjavík í nýja húsið í lok þessa árs
![Flugvellir Nýja skrifstofubyggingin er í nálægð við Reykjanesbraut. Er hin glæsilegasta og setur svip á umhverfið.](/myndir/gagnasafn/2024/09/10/b504fb46-930a-45bf-9d2b-ff5ce6b800df.jpg)
Flugvellir Nýja skrifstofubyggingin er í nálægð við Reykjanesbraut. Er hin glæsilegasta og setur svip á umhverfið.
— Morgunblaðið/sisi
Sigtryggur Sigtryggsson
sisi@mbl.is
Framkvæmdir við nýja skrifstofubyggingu Icelandair við Flugvelli í Hafnarfirði hafa gengið samkvæmt áætlun. Stefnt er að því að flytja skrifstofur flugfélagsins úr Vatnsmýrinni í Reykjavík í nýja húsið í lok þessa árs.
Það verða vissulega tímamót í flugsögunni þegar Icelandair hættir starfsemi á Reykjavíkurflugvelli, eftir að félagið og forverar þess hafa verið þar með aðsetur svo áratugum skiptir.
Fyrsta skóflustunga að nýjum höfuðstöðvum Icelandair við Flugvelli var tekin fyrir um tveimur árum eða 13. september 2022. Um er að ræða 5.000 fermetra viðbyggingu við þjálfunarsetur og skrifstofuhúsnæði Icelandair, sem tekið var í notkun fyrir um áratug.
Skrifstofustarfsfólk telur í heildina um 550
...