Félagsbústaðir hyggjast hækka leigu umfram verðlag á næsta ári. Þetta kemur fram í fjárhagsáætlun félagsins fyrir 2025. Þar er gert ráð fyrir að leigutekjur aukist um 8,8% á milli ára, sem skiptist á milli 3,2% hækkunar vegna verðlagsbreytinga og um 5,3% vegna magnaukningar. Magnaukningin tekur hvort tveggja til stækkunar eignasafns Félagsbústaða og fyrirhugaðrar hækkunar á leigu. Ekki kemur fram hversu mikið umfram verðlag gert er ráð fyrir að leiga hækki.