Gróttumenn upp í annað sætið

Grótta fór upp í annað sæti úrvalsdeildar karla í handbolta með sigri á HK á útivelli í gærkvöldi, 31:29. Grótta hefur unnið þrjá leiki af fyrstu fjórum og virðist betra tímabil í vændum hjá Gróttu en á undanförnum árum. ÍBV komst aftur á sigurbraut með sigri á nýliðum Fjölnis á heimavelli, 30:22. Þá náðu hinir nýliðarnir í ÍR óvæntu stigi gegn Aftureldingu. Urðu lokatölurnar 31:31. » 26