Við Hafnarstræti hefur lengi verið rekið hótel sem kennt er við bæinn þar sem það starfar, Akureyri. Það hefur lengst af verið „litli bróðir“ í samkeppni við mun stærri og voldugri einingar. En á síðustu misserum hafa stórtæk áform eigendanna skilað því að innan tíðar verða á annað hundrað herbergi í boði undir merkjum þess.
Og það eru engir nýgræðingar sem þarna eru á ferð. Eigendur hótelsins eru þau Þuríður Þórðardóttir, sonur hennar Daníel Smárason og eiginkona hans, Bergrós Guðbjartsdóttir.
Blaðamenn Morgunblaðsins voru á ferðinni í Hafnarstrætinu um daginn og eftir að hafa álpast inn í anddyri hótelsins, sem nýlega var stækkað, knúðu þeir dyra og óskuðu eftir því að fá að ræða við húsráðendur.
Þuríður hefur staðið í gistihúsarekstri í þrjátíu
...