Útsýnisstaður Ferðakonur frá Sviss á dögunum á útsýnispallinum sem komið hefur verið upp á vesturbakka Þjórsár við fossinn mikla.
— Morgunblaðið/Sigurður Bogi
Sigurður Bogi Sævarsson
sbs@mbl.is
„Því ferðafólki sem kemur hingað að Urriðafossi fjölgar stöðugt. Hér er stöðug umferð alla daga,“ segir Haraldur Einarsson bóndi á Urriðafossi í Flóa. Fossinn er um tvo kílómetra fyrir neðan Þjórsárbrúna á hringveginum og leiðin þangað er skýrt merkt. Náttúruvætti þetta er neðst fossa í Þjórsá, en fallhæðin er þó ekki nema 6 metrar þar sem hæst er.
...