Vladimír Pútín Rússlandsforseti heitir þjóð sinni því að ná fram „öllum settum markmiðum“ í Úkraínu. Segir hann hersveitir Rússlands ná góðum árangri nú í austurhluta landsins. Herinn sé að sækja fram.
„Sannleikurinn er okkar megin. Öllum settum markmiðum verður náð. […] Saman erum við að leggja grunn að öruggri og blómlegri framtíð fyrir börnin okkar og barnabörn,“ segir Rússlandsforseti í sjónvarpsávarpi sem flutt var í tilefni þess að tvö ár eru liðin frá því að Rússland lagði með ólögmætum hætti undir sig fjögur austurhéruð í Úkraínu. Alþjóðasamfélagið fordæmdi harðlega þetta landvinninga- og innrásarstríð Moskvuvaldsins.
Forsetinn réttlætti einnig ákvörðun sína um að senda hersveitir yfir landamærin í þeim tilgangi að leggja undir sig landsvæði í austurhluta Úkraínu. Sagðist hann með því vera
...