Hundruð einstaklinga á höfuðborgarsvæðinu eiga ekki þak yfir höfuðið og sífellt verður erfiðara fyrir fólk sem farið hefur út af sporinu að finna húsnæði enda hefur leiguverð hækkað mjög með hækkunum á fasteignamarkaði og þyngri fjármagnskostnaði
Vandi Nýleg mynd tekin innan bæjarmarka Hafnarfjarðarbæjar sýnir vistarverur fólks, tómar áfengisumbúðir, lok af sprautunálum og kvenmannsnærföt.
— Morgunblaðið/KHJ
Fréttaskýring
Ólafur Pálsson
olafur@mbl.is
Hundruð einstaklinga á höfuðborgarsvæðinu eiga ekki þak yfir höfuðið og sífellt verður erfiðara fyrir fólk sem farið hefur út af sporinu að finna húsnæði enda hefur leiguverð hækkað mjög með hækkunum á fasteignamarkaði og þyngri fjármagnskostnaði.
Það sem af er árinu hafa 348 einstaklingar nýtt sér neyðarskýli Reykjavíkurborgar. Stór hluti þess hóps eða 228 einstaklingar hafa þó nýtt neyðarskýlin í aðeins 30 daga eða skemur það sem af er ári.
Yngsti einstaklingurinn sem gist hefur neyðarskýli er ekki orðinn tvítugur og sá elsti er á áttræðisaldri. Langflestir eru þeir á fertugsaldri en einnig eru töluvert margir á þrítugs- og
...