Gunnar Hrafn Sveinsson
3. október 2004. Dagsetning sem er þýðingarmikil fyrir einhverja. Gifting, skírn, afmæli, andlát ástvinar. Eflaust þýðir hún ekki neitt fyrir marga, bara hefðbundinn skýjaður sunnudagur á Íslandi. Fyrir undirritaðan markar þessi dagsetning stór tímamót í menningarsögunni, en þetta sunnudagskvöld voru hinar aðþrengdu eiginkonur kynntar fyrir umheiminum. Þær fagna því 20 ára afmæli í dag. Það var þó ekki fyrr en fimm mánuðum síðar, fimmtudagskvöldið 10. mars 2005 kl. 22.20, sem íslenska þjóðin fékk að sjá þær í fyrsta skipti í sjónvarpi allra landsmanna.
Þær Susan Mayer, Lynette Scavo, Bree Van de Kamp og Gabrielle Solis urðu fljótt stóra umræðuefnið hjá saumaklúbbum landsins og áttu eftir að halda heimsbyggðinni í heljargreipum í átta seríur og 179 þætti til viðbótar af Aðþrengdum eiginkonum (e. Desperate Housewives). Hvernig
...