Hjörtur J. Guðmundsson
„Megi Guð draga ykkur til ábyrgðar, Hamas!“ hrópaði ungur Palestínumaður með sáraumbúðir vafðar um annan handlegginn að Iyad Bozum, talsmanni innanríkisráðuneytis hryðjuverkasamtakanna Hamas, á blaðamannafundi á Gazaströndinni þann 7. nóvember fyrir ári. Veifaði hann handleggnum í áttina að Bozum til þess að leggja áherzlu á orð sín, en fundinum var sjónvarpað og náðist atvikið fyrir vikið á upptöku. Hafði ungi maðurinn rutt sér leið í gegnum mannfjöldann á staðnum til þess að koma skilaboðum sínum á framfæri.
Mér varð hugsað til þessa atburðar sem fjallað var um í fjölmiðlum við lestur aðsendrar greinar á Vísir.is síðasta sumar sem Katrín Harðardóttir þýddi en var rituð af palestínskum hælisleitanda hér á landi. Inntakið í greininni var það að almennir borgarar á Gaza væru á milli steins og sleggju, á milli
...