Viðtal
Atli Steinn Guðmundsson
atlisteinn@mbl.is
„Ég er úr Dölunum, frá Þorbergsstöðum, þaðan er ég ættuð, en fædd og uppalin í Vesturbænum í Reykjavík,“ segir Margrét Ólöf Magnúsdóttir, djákni við Eystri og Vestri kirkjuna í Porsgrunn í Noregi, tvær byggingar, eina kirkju, og hreinlega nágranni blaðamanns svo heimatökin voru hæg fyrir heimsókn undirritaðs og Anitu Sjøstrøm ljósmyndara á huggulegt heimili djáknans og Benedikts Grétars Ásmundssonar, manns hennar, við Myrvanggötu hér í bænum.
Porsgrunn dregur nafn sitt ekki af því að þar séu smíðaðir undirvagnar þýska sportfærleiksins Porsche, öðru nær, þessi litli norski bær í Telemark-fylki, ein helsta seglskútuparadís Noregs, heitir í höfuðið á jurtinni mjaðarlyngi sem heitir pors á norsku en Myrica gale
...