Ákveðið hefur verið að slíta ríkisstjórnarsamstarfinu og ástæðan er einföld. Stjórnmál snúast um að ná raunverulegum árangri fyrir þjóðina en það var orðið ljóst að fram undan voru átök í stað árangurs. Við þær aðstæður er eina ábyrga leiðin að boða til kosninga. Ríkisstjórnarsamstarf, eins og allt farsælt samstarf, byggir á gagnkvæmu trausti og órofa samstöðu.
Á þeim sjö árum sem Sjálfstæðisflokkur, Framsókn og Vinstri græn störfuðu saman í ríkisstjórn náðist margvíslegur árangur og Ísland stendur nú framar mörgum þjóðum þrátt fyrir fordæmalausar áskoranir sem hafa dunið á samfélaginu.
Ísland skarar fram úr öðrum þjóðum. Ekkert annað land getur státað sig af kaupmáttaraukningu 11 ár í röð samhliða sögulega litlu atvinnuleysi. Langtímakjarasamningar hafa skapað stöðugleika á vinnumarkaði. Þetta er árangur sem við getum verið stolt af, en jafnframt hvatning til
...