„Ótrúlegt hvað þetta hefur mikil áhrif á mann“

Hafdís Guðnadóttir ljósmóðir sérhæfði sig í svefnráðgjöf barna eftir að hafa sjálf upplifað erfiðleika með svefn barna sinna tveggja en hún hefur alltaf verið heilluð af barneignaferlinu og umönnun ungabarna. Hafdís býður nú upp á svefnráðgjöf fyrir foreldra ungra barna undir nafninu Sofa, borða, elska og hefur vakið mikla athygli fyrir myndbönd um foreldrahlutverkið á instagram. Hún ræddi um svefn ungra barna, svefnöryggi, ljósmæðrastarfið, foreldrahlutverkið og tvíburameðgöngur, en sjálf á hún von á tvíburum, í Dagmálum þar sem hún var gestur Rósu Margrétar.