Boltinn fór að rúlla í Skandinavíu

​Fáir djasstónlistarmenn eru eins aktífir í útgáfum og Ingi Bjarni Skúlason píanóleikari en hann gaf í mánuðnum út sína fimmtu plötu: Farfuglar. Næstu plötu tekur hann upp í september og þá þarnæstu semur hann nú. „Mest mótandi árin mín, hvernig ég bý til tónlist og hvernig ég hugsa um tónlist voru í þessu mastersnámi,“ segir hann um meistaranámið sitt sem hann tók í þremur mismunandi löndum Skandinavíu.