Óráðlegt að byggja austan við Elliðavatn

Óráðlegt er að reisa byggð austan Elliðavatn ef menn hafa aðra kosti að mati Þorvaldar Þórðarsonar eldfjallafræðings. Ástæðan er sú að líkur eru á því að eldfjallakerfi í Bláfjöllum, Krísuvík eða Heiðmörk vakni eftir langan dvala á næstu árum eða áratugum. Hraunrennsli frá fyrri tíð sýnir að það getur náð að byggð í Reykjavík, Kópavogi, Hafnarfirði og Garðabæ. Hann segir mikilvægt að gera hættumat fyrir svæðið og að horfa til framtíðar varðandi skipulag byggðar.