Skilnaðartíðni óþarflega há á Íslandi

Björg Vigfúsdóttir, hjónabands- og fjölskyldumeðferðarfræðingur, segir sálfræðiþjónustu, ráðgjöf og meðferðarúrræði vera mikilvæga þætti þegar kemur að heilbrigðisþjónustu við almenning. Hún segir skilnaðartíðni hjóna og para í vígðri og óvígðri sambúð nema um 50% á Íslandi. Að hennar mati er sú prósentutala óþarflega há enda brennur hún fyrir starfi sínu sem ráðgjafi og meðferðarfræðingur sem snýr að því að aðstoða fjölskyldur og pör sem eiga í erfiðleikum.