Eldstöðvar sem þarf að taka mark á

„Við fyrstu athugun myndi maður segja að þetta sé tilviljanakennt. En svo ef maður skoðar þetta í samhengi við annað sem hefur gerst á landinu er ýmislegt sem bendir til þessi að kvikuvirkni undir landinu komi í hrinum,“ segir Páll Einarsson, prófessor emeritus í jarðeðlisfræði við Háskóla Íslands, í Dagmálum í dag. Hann var spurður út í það hvort tilviljun væri að líf sé að kvikna í bæði Ljósufjallakerfinu og eldstöðvakerfinu í Hofsjökli.