„Það átti bara að negla mig“

Ríkisskattstjóri, skattrannsóknastjóri og héraðssaksóknari sóttu hart að Bjarna Ákasyni í rúman áratug. „Það átti bara að negla mig,“ segir Bjarni og bætir við að aldrei hafi verið hlustað á hans sjónarmið. Hann telur að allar þessar stofnanir skuldi sér afsökunarbeiðni en málið hófst á sínum tíma með ósk Bjarna um leiðréttingu á skattframtali eftir að endurskoðendaskrifstofa sem vann fyrir hann gerði mistök. Hann segir allt þetta ferli hafa breytt lífi sínu mikið og hann óttaðist að missa allt sitt vitandi allan tímann að hann var saklaus. Bjarni telur ekkert eðlilegra en að skattskil séu rannsökuð en þar eigi vondir valdsmenn með dónaskap ekki að ráða för. Bjarni Ákason fer yfir mál sitt í Dagmálum í dag.