Þöggun fjölmiðla eða bloggari á villigötum?

Fimm af þekktustu blaðamönnum Íslands eru sakborningar í lögreglurannsókn sem tengist stuldi á síma og gögnum sem stolið var úr honum. Þetta gerðist á meðan að eigandi símans lá á gjörgæslu og var ekki hugað líf. Páll Vilhjálmsson framhaldsskólakennari og bloggari hefur skrifað tugi færslna um málið og furðar hann sig á af hverju meginstraums fjölmiðlar fjalli ekki um málið eins og hvert annað sakamál. Páll titlar sig blaðamann enda hefur hann reynslu af blaðamennsku og er mentaður í faginu bæði í Noregi og í Bandaríkjunum. Páll er gestur Dagmála í dag og nú er það sagan öll.