Kraftakarlinn á bak við Skólahreysti

Þúsundir íslenskra ungmenna hafa æft og keppt í Skólahreysti í gegnum árin. Fjölmargir afreksmenn í íþróttum hafa fundið þar neistann og byggt sinn feril á þeirri reynslu. Kraftakarlinn Andrés Guðmundsson er maðurinn á bak við þetta lýðheilsuverkefni, sem Skólahreysti sannarlega er. En þetta er ekki bara dans á rósum. Verkefnið hefur vaxið og er orðið gríðarlega umfangsmikið. Andrés fer yfir stöðu mála og kallar eftir hjálp frá hinu opinbera við að halda verkefninu á lofti. Í þessum þætti fer hann einnig yfir sinn feril og rekur drauminn um frama í boxheiminum sem varð að martröð.