Íslendingur auglýsir Pepsi með Messi

Akureyringurinn Þorsteinn Sindri Baldvinsson leikur aðalhlutverkið í nýrri Pepsi-auglýsingu sem hefur verið frumsýnd um allan heim. Heimsfrægar knattspyrnustjörnur á borð við Lionel Messi, Robin van Persie og Sergio Ramos koma fram í auglýsingunni sem var tekin upp í Brasilíu.

Þrátt fyrir að Pepsi sé ekki einn af styrktaraðilum HM í knattspyrnu, sem fer fram í sumar, þá er fyrirtækið að hita upp fyrir fótboltaveisluna, en auglýsingin gengur undir nafninu „Now Is What You Make It“. 

Þorsteinn, sem er 21 árs gamall, hefur vakið mikla athygli á myndbandarásinni YouTube fyrir trommuleik og frumlega takta. Hann sýnir jafnframt fram á lipra takta í auglýsingunni.

Með yfir 500.000 „views“ á YouTube

• Blogga um frétt