Stundar kynlíf með hundinum sínum

Dan­mörk hef­ur lengi verið um­deilt land meðal dýra­vernd­un­ar­sinna vegna skorts á dýra­vernd­un­ar­lög­um. Þar er lög­legt að stunda kyn­líf með dýr­um í land­inu og er slíkt at­hæfi ekki skil­greint sem dýr­aníð nema verið sé að pynta þau eða pína til at­hæf­is­ins með ein­hverj­um hætti. 

Blaðamaður Vice vildi kynna sér hug­ar­heim þeirra sem stunda þessa hegðun bet­ur. Hann fann sér því viðmæl­anda á einskon­ar spjall­borði sem kall­ast Be­ast For­um þar sem fólk sem er með „Zoophilia“ eða dýra­blæti get­ur rætt sín á milli eða jafn­vel lánað hvert öðru dýr. Monitor var­ar við lýs­ing­um viðmæl­anda Vice sem eru ekki fyr­ir viðkvæma. 

Viðmæl­andi Vice hef­ur verið hald­inn dýra­blæti frá unga aldri en hann ólst upp í sveit og var for­vit­inn þegar hann sá dýr eðla sig. Hann seg­ir fyrstu reynslu sína af kyn­lífi með dýr­um hafa átt sér stað með kven­kyns vini og hund­in­um henn­ar en hann seg­ir hund­inn hafa „tekið“ þau bæði.

Hann seg­ir erfitt að út­skýra hvað það er við dýr sem kveiki í hon­um kyn­ferðis­leg­ar lang­an­ir. „Þau eru heiðarlegri og já, dýrs­legri. Ef hundi líst vel á þig leik­ur eng­inn vafi á því.“ Hann seg­ist helst laðast að hund­um en einnig hest­um. Hann seg­ist stunda kyn­líf með dýr­um tvisvar til þris­var í mánuði og nefn­ir að hann og eig­in­kona hans eigi stór­an hund sem þau eigi bæði kyn­ferðis­leg sam­skipti við. 

„Við ger­um grein­ar­mun á dýra­blæt­ingj­um (fólki með dýra­blæti) og skepn­um. Blæt­ingj­ar elska dýr­in sín ekki á sama hátt og ég elska kon­una mína en elska engu að síður. Skepn­ur neyða dýr­in til sam­ræðis; það eru þær sem sverta mann­orð okk­ar hinna.“

Hann seg­ist ekki lána hund­inn sinn til annarra dýra­blæt­ingja enda skapi það hættu á kyn­sjúk­dóma­smiti. Hins­veg­ar seg­ir hann flesta vini sína vita af blæt­inu enda sé hann mjög op­inn en hann tel­ur at­hæfið mun al­geng­ara en fólk held­ur. Hann er þess full­viss að hund­ur­inn sinn njóti þess að stunda kyn­líf með hon­um og tel­ur lög­gjöf­ina í Dan­mörku vera full­komna eins og hún er.

Í dag eru aðeins um 80 lönd í heim­in­um sem banna kyn­líf með dýr­um al­farið í lög­um en merki­legt nokk varð Ísland ekki eitt þeirra fyrr en á síðasta ári. Með 15.grein laga 55 sem samþykkt voru 8. apríl 2013 var skerpt á orðalagi um mis­notk­un á dýr­um og nú stend­ur þar skýrt og skil­merki­lega að bannað sé að hafa sam­ræði eða önn­ur kyn­ferðismök við dýr.

Þó svo að viðmæl­andi Vice haldi því fram að auðvelt sé að greina á milli þeirra dýra sem vilja stunda kyn­líf og annarra eru dýra­vernd­un­ar­sinn­ar á öðru máli. Þau segja rangt og ógeðfellt að stunda kyn­líf með ein­hverj­um, hvort sem það er ein­stak­ling­ur eða dýr, sem ekki get­ur tjáð sig með skýr­um hætti um hvað viðkom­andi vill og vill ekki. Þó svo að viðmæl­and­an­um virðist hund­ur­inn sýna já­kvæð viðbrögð geti það verið af því að hund­ur­inn upp­lifi sig til­neydd­ann enda sé sam­band þeirra ekki sam­band tveggja jafn­ingja held­ur eig­anda og gælu­dýrs.

Eins benda dýra­vernd­un­ar sinn­ar á að þó svo að farið sé að öllu með gát hvað lík­ama dýrs­ins varðar séu þeir ekki ætlaðir til kyn­lífs með mönn­um og geta því haft skaða af. Þar að auki hafa dýr, líkt og menn, til­finn­ing­ar og geta því orðið fyr­ir and­leg­um skaða. Flest dýra­vernd­un­ar­sam­tök, ef ekki öll, skil­greina af þess­um sök­um hvers­kon­ar kyn­líf með dýr­um sem dýr­aníð.

Upp­fært 8.apríl 2014 kl. 10:58: Upp­runa­lega stóð í frétt­inni að ekki væri skýrt tekið á kyn­lífi með dýr­um í ís­lensk­um lög­um. Það var ekki rétt og hef­ur því nú verið breytt.

• 1 blogg um frétt­ina

Bloggað um frétt­ina

• Ásgrím­ur Hart­manns­son: Ég þekki amk einn sem er fyr­ir mýs