Hvolsskóli sem gerði sér lítið fyrir og vann Suðurlandsriðilinn í Skólahreysti keppir til úrslita í sjötta skiptið annað kvöld. Góður árangur undanfarinna ára byggist án efa á því að undirbúningur nemenda hefst strax í 7. bekk, og 7. og 8. bekkur fá alltaf að koma með í keppnina.

Úrslitakeppnin í Skólahreysti fer fram í Laugardalshöll annað kvöld. Af því tilefni kynnir Monitor öll liðin sem keppa. Þrjú lið verða kynnt á degi hverjum, fram að keppni. Að þessu sinni kynnumst við liði Hvolsskóla.

Í Hvolsskóla er sterk hefð fyrir Skólahreysti og mikil áhersla lögð á undirbúning strax í 7. bekk. Til dæmis fá nemendur í 7. og 8. bekk að prófa greinarnar þegar liðin eru að undirbúa sig, til þess að undirbúa þau fyrir komandi ár. Þetta hefur þótt virka mjög vel á krakkana og hvetur þau til að æfa.

Skólinn hefur tekið þátt öll árin og, eins og áður segir, komist í úrslit fimm sinnum. Í ár er liðið skipað þeim Kristjáni Páli Árnasyni, Vigdísi Árnadóttur, Birtu Rós Hlíðdal og Aroni Erni Þrastarsyni. Þrjú þeirra hafa ekki tekið þátt áður en Kristján Páll er reynslunni ríkari eftir þátttöku í fyrra. Þá ætti að koma liðinu til góða að Vigdís hefur ekki æft neitt annað en armbeygur og hreystigreipi að undanförnu. Spurning hverju það mun skila henni í úrslitunum.

Skólahreysti

• Skólahreysti er liðakeppni milli grunnskóla landsins.
• Skólahreysti byrjaði árið 2005 með þátttöku sex skóla. Í ár voru um 110 grunnskólar af öllu landinu sem tóku þátt.
• Úrslitakeppni þeirra tólf skóla sem náðu bestum árangri í undankeppninni fer fram föstudaginn 16. maí næstkomandi.
• Keppnisgreinarnar eru upphífingar, armbeygjur, dýfur, hreystigreip og hraðaþraut.

Tengdar fréttir

Skólahreysti

Heiðarskóli sigraði með hálfu stigi

• Íslandsmetið slegið degi eftir að það var sett
• Hékk í rúmt korter og sló Íslandsmet
• Erfitt að spá fyrir um úrslitin
• Skólahreysti yfirtekur Reykjanesbæ

» Fleiri tengdar fréttir

• Blogga um frétt