Svona sér sólin þig

„Hvernig sólin sér þig“ er titillinn á nýju myndbandi úr smiðju ljósmyndarans Thomas Leveritt.

Leveritt notar útfjólubláa myndavél til að sýna vegfarendum hvernig húð þeirra lítur út með og án sólarvarnar. Með myndavélinni má sjá allar þær freknur eða skemmdir sem sólin hefur valdið á andlitum vegfarendanna, sem ekki sjást enn með berum augum. 

Myndbandið sýnir hinsvegar einnig hvernig sólarvörn þekur í raun og veru andlitin og verndar þau gegn geislum sólar. Verk Leveritt er þannig ótrúlega góð áminning fyrir þá sem eru latir við að nota sólarvörn.

• Blogga um frétt