10 íslensk slanguryrði til að bæta í safnið
Setja bókamerki
Nú fer skólinn að byrja aftur og því er nauðsynlegt að taka sér tíma og læra nokkur góð slanguryrði til að geta slegið um sig svo samnemendur manns geri sér grein fyrir nákvæmlega á hvaða hæð swag-skalans maður býr.
Monitor kíkti í Slangurorðabók Snöru og fiskaði út nokkur vel valin orð fyrir haustið sem hafa þó fæst nokkuð með skólagöngu að gera.
1. Pappírspési.
Að vera þunnur.
Notkun: Ég er algjör Pappírspési eftir þessa helgi.
2. Reðurteppa.
Að koma í veg fyrir að einhver stundi kynmök (e. Cockblock)
Notkun: Djöfulli var ég reðurtepptur af vinkonu þinni í gær.
3. Lekandinn.
WikiLeaks, heimasíða sem birtir skjöl sem hefur verið lekið til hennar.
Notkun: Lekandinn var að birta ný leyndó í dag.
4. Nammviskubit.
Samviskubit yfir of miklu nammiáti.
Notkun: Ég datt aðeins of grimmt í Hagkaup á laugardaginn og er enn með nammviskubit.
5. Reiðléttingarvökvi.
Sleipiefni.
Notkun: Þetta gekk eins og smurt eftir að við fundum reiðléttingarvökvann.
6. Smelludólgur.
Blaðamaður á vefmiðli eða bloggari sem reynir að vekja athygli lesenda með krassandi fyrirsögn og fá þá til að smella á tengil.
Notkun: Það eru bara eintómir smelludólgar þarna á Monitor.
7. Útfararkaffi.
Kaffi „to go“ í þar til gerðu máli.
Notkun: Ég hoppa bara inn og sæki tvo útfararkaffi til að taka með á Austurvöll.
8. Tanpína.
Sólbruni.
Notkun: Ef ég hefði notað féskiní-ið væri ég ekki með svona mikla tanpínu.
9. Gæluvarðhald.
Kynferðislegur ástarleikur þar sem einn þátttakandinn er bundinn, sbr. BDSM.
Notkun: Eftir að ég flengdi hann smá tók ég hann í gæluvarðhald.
10. Krumpudýr.
Gamalt/ hrukkótt fólk.
Notkun: Ég heimsótti ömmu og hin krumpudýrin á elliheimilið.
/frimg/1/53/78/1537870.jpg)
Í kaffi með Vigdísi
Víkingar komnir yfir 800 milljónir í greiðslur
Bjarni: „Útilokað að þetta geti gengið upp“
Skattamál verði líklega „þeirra mesta klemma“
Forstjóri bendir á ábyrgð birgja vegna verðhækkana
Barn lést í árásinni
Fyrsti blaðamannafundurinn í heild sinni
