Tropical Sunrise

Kaupa Í körfu

VEITINGAMAÐURINN á Tropical Sunrise á Stórhöfða hefur verið kærður fyrir að selja unglingum áfengi en um helgina réðst lögreglan til inngöngu á staðinn. Staðurinn er bannaður innan 18 ára en þegar lögreglumenn fóru inn kom í ljós að átta unglingar yngri en 18 ára voru þar undir áhrifum áfengis og sögðust hafa keypt vínið á staðnum. Grunur hafði verið uppi um að unglingar fengju afgreiðslu á barnum og því sendi lögreglan fjölmenna sveit á staðinn. Húsinu var lokað og þess gætt að enginn kæmist út eða inn. Slökkt var á tónlist og ljós kveikt. Því næst voru nöfn starfsfólks tekin niður og aldur gestanna kannaður. Um 150 manns voru innandyra og þar af átta þeirra of ungir. Hringt var í foreldra þeirra. Brotin varða við lög um veitingahús og áfengislög og er málið í rannsókn. MYNDATEXTI Brot Átta unglingar voru undir aldri og sögðust hafa keypt vín.

Frekari upplýsingar

• SkráMBL0161640.jpg
• Breidd3504 dílar
• LjósmyndariÓmar Óskarsson
• Hæð4776 dílar
• MerkingMorgunblaðið/Ómar
• DagsetningSunnudagur, 18. nóvember 2007
• Fyrsta birtingMánudagur, 19. nóvember 2007
• Slóð/myndasafn/mynd/191633/