Sjósund

Loka

Rax / Ragnar Axelsson
Fleiri myndir eftir ljósmyndara »

Sjósund

Kaupa Í körfu

HLEGIÐ var að kappklæddum blaðamanni þar sem hann skalf sem hrísla í frostinu og taldi hausa í heitum potti ylstrandarinnar í Nauthólsvík um hádegisbil í gær. Laxableikir líkamar voru alls staðar um kring og nokkrir hvítir á göngu út í sjó. Sífellt fleiri sækja í sjóinn á Þorláksmessu til að eiga kalda kyrrðarstund fjarri alræmdu jólastressinu. Vel á annað hundrað manns skelltu sér í sjóinn á meðan blaðamaður norpaði og saup á heitu súkkulaði. Örlaði á skömm þegar telpur tvær á baðfötunum einum fata skokkuðu framhjá og stungu sér til sunds. Steininn tók úr þegar þær glaðlegar gæddu sér á frostpinna að sundinu loknu. MYNDATEXTI Þessa fjórar hressu konur nutu sín vel í ísköldum sjónum og busluðu frá sér stressið. Ekki voru allir sundkappar með hettu en báru þess í stað viðeigandi höfuðfat, þ.e. jólasveinahúfu.

Frekari upplýsingar