Í Bagdad eftir stríðið

Loka

Þorkell Þorkelsson

Í Bagdad eftir stríðið

Kaupa Í körfu

Samkvæmt Genfarsáttmálanum er það hlutverk hernaðaraðila að tryggja öryggi borgara að loknu stríði. Það hefur að mati Sigrúnar Árnadóttur, framkvæmdastjóra Rauða kross Íslands, sem er stödd í Bagdad, ekki gengið eftir. Þorkell Þorkelsson, ljósmyndari Morgunblaðsins, er einnig staddur í borginni á vegum Rauða krossins. HÉR ríkir mjög sérkennilegt ástand. Öll innri starfsemi landsins er lömuð sem felur í sér að skortur er á eldsneyti, engir fjölmiðlar eru starfandi, verslanir eru opnar að mjög takmörkuðu leyti og þrátt fyrir að fólk reyni almennt að sækja vinnu fær það engin laun. Auk þess eru ruslahaugar á víð og dreif um borgina og skolplagnir víða í ólagi." MYNDATEXTI: Starfsmenn Rauða hálfmánans og Rauða krossins aðstoða Íraka í Bagdad við að hringja í ættingja erlendis. Margir hafa enn ekki komið boðum til eða heyrt frá ættingjum sínum í landinu þar sem allt símkerfi er lamað. Biðröð er eftir aðgangi að símanum, en á götunum eru menn sem veita sömu þjónustu en taka 50 dali á mínútuna. Margir hafa alls ekki ráð á því.

Frekari upplýsingar