Félagar úr Vikverja setja upp mastur

Loka

Jónas Erlendsson

Félagar úr Vikverja setja upp mastur

Kaupa Í körfu

FÉLAGAR úr björgunarsveitinni Víkverja í Vík í Mýrdal voru í óðaönn að reisa fjarskiptamastur við björgunarsveitarskýlið í Vík í gær en að sögn Reynis Ragnarssonar, björgunarsveitarmanns í Víkverja, standa vonir til að fjarskipti muni batna til muna með mastrinu. "Við höfum verið svolítið innilokuð hérna í víkinni útaf fjöllunum og þurfum að reyna að ná betra sambandi," segir Reynir. Mastrið er komið um langan veg en það rak á fjörur við Hjörleifshöfða og er að sögn Reynis af skútu sem fórst út af Írlandi. Reynir segir að búið sé að flikka upp á mastrið til að það geti þjónað sínu hlutverki vel í framtíðinni. Á myndinni eru Halldór Ingi Eyþórsson og Jóhann Einarsson að stýra mastrinu í festingar.

Frekari upplýsingar