Sofandi skógarþröstur

Loka

Jón Sigurðsson Blönduósi

Sofandi skógarþröstur

Kaupa Í körfu

ÞAÐ var aldeilis uppi fótur og fit hjá krökkunum á Árbrautinni á Blönduósi fyrir skömmu er þau rákust á þessa fiðruðu kúlu uppi í lerkitré. Töldu þau víst að hér væri um uglu að ræða miðað við vaxtarlag og hlupu inn til ömmu sinnar sem átti lerkitréð og sögðu henni tíðindin. Amma sem er veraldarvön sagði börnunum að segja fréttaritara Morgunblaðsins umsvifalaust frá þessu hvað og þau gerðu. Þegar þetta undarlega fyrirbrigði var skoðað kom í ljós að hér var um sofandi skógarþröst að ræða. Og svo sofandi var hann að hann rumskaði ekki þrátt fyrir töluverðan skarkala barna og ljósmyndara. Þrátt fyrir að uglan yrði að skógarþresti þá eru uglur ekki langt undan því sjá má branduglupar í móunum rétt fyrir ofan Blönduós þar sem hitaveituleiðslan fer yfir Laxá á Ásum. EKKI ANNAR TEXTI.

Frekari upplýsingar