Tíska

Loka

Ásdís Ásgeirsdóttir
Fleiri myndir eftir ljósmyndara »

Tíska

Kaupa Í körfu

Meintur rígur og magnaðar staðalmyndir. Eru lubbar í lopapeysum dæmigerðir nemendur Menntaskólans við Hamrahlíð og eru Verslunarskólanemar uppábúnir alla daga? MARMARINN í miðju Verslunarskóla Íslands er kannski táknrænn fyrir ímynd skólans sem hins fína og vel búna, þar sem nemendur eru ekki síður fínir. Þegar gengið var inn á marmarann eitt föstudagshádegi fyrir skömmu, blasti ekki alveg sú ímynd við. Verslunarskóladrengir voru ekki klæddir í jakkaföt eins og karlar í viðskiptalífinu og verslunarskólastúlkur voru fæstar í kjólum og háhæluðum skóm. Við blasti fjölbreyttur hópur snyrtilegra ungmenna, strákar og stelpur í alls kyns fatnaði þar sem áherslan virðist vera á láta sér líða vel t.d í strigaskóm, gallabuxum og bómullarbol. Viðmælendur meðal nemenda voru þó flestir þeirrar skoðunar að nemendur Versló og MH væru nokkuð ólíkir. "Við hugsum kannski meira um útlitið og mér finnst það bara jákvætt," segir Margrét Arna Einarsdóttir, nemandi í 6.S. "Það eru líka svo sætir strákar í Versló að maður verður að vera vel til hafður," segir hún brosandi og horfir á nokkra skólafélaga sína sem virtust nokkuð ánægðir með hrósið. MYNDATEXTI: Verslingar eru sumir þeirrar skoðunar að þeir hugsi meira um útlitið en MH-ingar.

Frekari upplýsingar