Jólaball

Loka

Ásdís Ásgeirsdóttir

Jólaball

Kaupa Í körfu

Í dag er aðfangadagur jóla, dagurinn sem svo margir hafa beðið eftir undanfarnar vikur, dagurinn sem allt hefur snúist um síðustu dægrin. Og nú er stundin runnin upp. Í kvöld minnumst við, sem höldum upp á jólin, fæðingar Krists, hver með sínum hætti. Eftirvæntingin er sennilega hvað mest hjá börnunum. Þau hafa mörg hver beðið í ofvæni; talið niður dagana;...þrír, tveir, einn og...í dag eru jólin loksins komin. Þau hafa fylgst með jólasveinunum, sem hafa fært þeim, sem fara snemma að sofa, eitthvert lítilræði í skóinn og á jólaböllunum hafa þau sungið jólalög og dansað í kringum vel skreytt jólatré. MYNDATEXTI: Hvað viltu í jólagjöf? Krakkarnir á jólaballinu hjá Hvammi hf. hafa sennilega ekki verið í neinum vafa. Vafalaust hafa þau beðið um bæði harða og mjúka pakka. Innihaldið skiptir þó varla öllu máli heldur hugurinn sem býr að baki.

Frekari upplýsingar