Laugarnesskóli

Loka

Árni Torfason

Laugarnesskóli

Kaupa Í körfu

Í stofu 14 í Laugarnesskóla er líf og fjör þar sem krakkarnir í 5.L eru að klippa og líma í vinnubækur. Sigríður Schram, kennari barnanna, var valinn Ljósberinn í hópi kennara árið 2003, af samstarfshópi um að styrkja heilbrigðan lífsstíl barna og unglinga, en Sigríður þótti hafa náð góðum árangri við að styrkja gagnrýna hugsun nemenda sinna. Eftir heilmiklar umræður í tímum í haust um auglýsingar og kynferðislegar tengingar í þeim, ákváðu börnin að skrifa bréf vegna einnar auglýsingar sem þeim mislíkaði og fengu þau einnig viðurkenningu Ljósberans fyrir að fylgja eftir gagnrýni sinni. Börnin sendu bréf til Sælgætisgerðarinnar Freyju, Kvikmyndagerðarinnar Þeirra tveggja, Auglýsingastofu Guðrúnar Önnu og söngvarans Jónsa í lok október sl. þar sem þau lýsa upplifun sinni af sjónvarpsauglýsingunni á Freyju-Draumi sem ofangreindir aðilar koma að og lýst er draumi manns þar sem naktar konur koma við sögu. MYNDATEXTI: Gagnrýndu auglýsingar: Krakkarnir í 5.L ásamt kennaranum sínum, Sigríði Schram, lengst til vinstri.

Frekari upplýsingar