Sigurður Sveinn Sigurðsson

Loka

Kristján Kristjánsson

Sigurður Sveinn Sigurðsson

Kaupa Í körfu

Sigurður S. Sigurðsson, fyrirliði SA, meiddist illa í íshokkíleik ÞRÁTT fyrir að leikmenn í íshokkí séu vel varðir í leikjum, geta þeir engu að síður orðið fyrir meiðslum og það fékk Sigurður Sveinn Sigurðsson, fyrirliði Skautafélags Akureyrar, að reyna í leik gegn Birninum um síðustu helgi. Snemma í þriðju lotu lentu Sigurður og leikmaður Bjarnarins í miklu samstuði, þar sem leikmaður Bjarnarins bar fyrir sig kylfuna, með þeim afleiðingum að Sigurður fékk mikið högg á andlitið og var fluttur með sjúkrabifreið á slysadeild. Þar þurfti að sauma hann alls þrettán spor, í nef og kinn, auk þess sem vinstra augað nánast hvarf í bólgu. "Þetta var slys í hita leiksins og ég erfi þetta ekki við leikmanninn," sagði Sigurður og vildi ekki gera mikið úr atvikinu. "Það hafa svo sem allir gott af því að fá á kjaftinn annað slagið," sagði Sigurður en viðurkenndi þó að höggið hefði verið býsna þungt. MYNDATEXTI: Samansaumaður: Sigurður Sveinn Sigurðsson, fyrirliði Skautafélags Akureyrar, fékk mikið högg á andlitið í íshokkíleik um síðustu helgi.

Frekari upplýsingar