Körfuboltamót krakka

Loka

Stefán Stefánsson

Körfuboltamót krakka

Kaupa Í körfu

ÞEGAR um 740 krökkum frá 11 ára og allt niður í leikskólaaldur er boðið á körfuboltamót en stigin ekki talin má búast við miklu fjöri enda hægt að einbeita sér að leiknum og úrslit ekki svo mikið að þvælast fyrir. Sú varð einmitt raunin í Keflavík fyrstu helgina í mars þegar körfuknattleiksdeildir Keflavíkur og Njarðvíkur héldu stórmót í samstarfi við Samkaup. Það var ekki bara körfuboltinn sem heillaði, því ókeypis var í bíó og sund, þrjár kjarnríkar máltíðir, kvöldvaka, pizzuveisla, skúffukaka og mjólk. Ekki síst var gaman að hitta jafnaldra. MYNDATEXTI: Vaskir piltar úr Húnaþingi mættu til leiks undir merkjum Kormáks á Hvammstanga. Í efri röð frá vinstri eru Arnór Smári Birgisson, Hannes I. Másson, Hjörtur Geir Þorvarðarson, Arnar Már Þorsteinsson og Sigurvin Dúi Bjarkason. Í neðri röð eru Heiðar Örn Rúnarsson, Kristján Ársælsson, Kristófer Smári Gunnarsson, Róbert A. Sigurðsson og Patrekur Örn Oddsson.

Frekari upplýsingar