TBR

Loka

Jim Smart

TBR

Kaupa Í körfu

GUÐMUNDUR Stephensen kom, sá og sigraði á Íslandsmótinu í borðtennis í ellefta sinn nú um helgina. Guðmundur sigraði í einliðaleik, tvíliðaleik ásamt félaga sínum úr Víkingi Sigurði Jónssyni og í tvenndarleik ásamt Halldóru Ólafs, sem einnig er úr Víkingi. Í kvennaflokki varð Lilja Rós Jóhannesdóttir Íslandsmeistari í sjöunda sinn. Guðmundur vann Kjartan Briem í úrslitum einliðaleiksins 4:0 (11:8, 11:7, 11:5 og 11:4). Fyrstu tvær loturnar voru mjög jafnar þar sem Kjartan hélt í við Guðmund. Í þeirri fyrstu upp í stöðuna 8:8 og í annarri lotunni upp í 7:7. Eftir það tók Guðmundur leikinn í sínar hendur og sigraði, rétt eins og allir reiknuðu með. MYNDATEXTI: Guðmundur Stephensen og Lilja Rós Jóhannesdóttir, Íslandsmeistarar í borðtennis.

Frekari upplýsingar