Hjón létust í bílslysi

Loka

Sigurður Elvar Þórólfsson

Hjón létust í bílslysi

Kaupa Í körfu

Bifreiðin fór fram af Sementsbryggjunni á Akranesi Bifreið hjónanna hífð úr höfninni á Akranesi en dýpið þar sem hún fór í sjóinn er á annan tug metra. ELDRI hjón drukknuðu þegar bifreið, sem þau voru í, fór út af Sementsbryggjunni á Akranesi og í sjóinn laust eftir kl. þrjú í gær. Allt tiltækt neyðarlið var kallað út og flutti þyrla Landhelgisgæslunnar fjóra kafara á slysstað, tvo frá Slökkviliði höfuðborgarsvæðisins og tvo frá Landhelgisgæslunni og voru þeir búnir að ná hjónunum úr bifreiðinni um tíu mínútum síðar. Skipverjar af frystitogaranum Helgu Maríu AK-16, sem var í höfninni, urðu varir við þegar bifreiðin fór í sjóinn og settu strax út slöngubát skipsins og fóru á slysstaðinn en gátu ekki hafst að. Tvennt var í bifreiðinni, roskin hjón á áttræðisaldri, og reyndust þau bæði vera látin þegar þau náðust úr bifreiðinni. Tildrög slyssins eru í rannsókn en fyrstu vísbendingar bentu til þess að bifreiðin hefði farið aftur á bak fram af bryggjunni og yfir um 20 sentimetra háan trékant sem þar er. Dýpið þar sem bílinn fór í höfnina er á annan tug metra. Lögreglan á Akranesi fer með rannsókn slyssins í samvinnu við rannsóknarnefnd umferðarslysa.

Frekari upplýsingar