Kárahnjúkar

Loka

Þorvaldur Örn Kristmundsson

Kárahnjúkar

Kaupa Í körfu

UNNIÐ var hörðum höndum við að steypa botn Kárahnjúkastíflunnar, á milli þverhníptra hamranna sem mynda Hafrahvammagljúfur, í gærkvöld þegar þessi mynd var tekin. Þarna mun 193 metra hár veggur rísa, með steyptri þéttikápu, svo hann haldi vatni þegar rennsli Jökulsár á Dal stöðvast á honum og myndar Hálslón. Mennirnir voru heldur litlir í samanburði við stórbrotna náttúruna við vinnu sína. Á hamrabrúnunum var búið að strengja öryggisnet svo að laust grjót félli ekki á þá. Hvert handtak miðaði þó að því að virkja beljandi stórfljót. Voru þeir að slá upp steypumótum svo að byrja mætti að steypa botn og vegg stærstu stíflunnar af þremur. Verður hún 730 metra löng grjótstífla.

Frekari upplýsingar