Grafarvogur

Loka

Jim Smart

Grafarvogur

Kaupa Í körfu

Hallsvegur tengdur Víkurvegi með tveimur akreinum frá Fjallkonuvegi Vilja ekki að lögð verði akbraut með fjórum akreinum ÍBÚAR Garðhúsa í Grafarvogi í Reykjavík eru ósáttir við fyrirhugaðrar breytingar á Hallsvegi, en skipulags- og byggingarnefnd samþykkti í júní að vegurinn skyldi verða tvöfaldaður og tengjast Vesturlandsvegi. Ólafur Bjarnason, forstöðumaður Verkfræðistofu, segir að verið sé að undirbúa lengingu Hallsvegar með byggingu tveggja akreina götu frá Fjallkonuvegi að Víkurvegi. Hann segir að samráðsfundur með íbúum við Garðhús sé fyrirhugaður í lok mánaðarins. "Það fer eftir niðurstöðu samráðs, og fleiri þátta svo sem stöðu á verktakamarkaði hvenær hafist verður handa við framkvæmdir," segir Ólafur og bætir því við að framkvæmdir standi um það bil eitt ár. MYNDATEXTI: Hér má sjá hvar Hallsvegur mun liggja á milli íbúðarhverfisins og kirkjugarðsins. Íbúar eru ósáttir við skipulagið.

Frekari upplýsingar