Bonsai-tré

Loka

Árni Sæberg
Fleiri myndir eftir ljósmyndara »

Bonsai-tré

Kaupa Í körfu

STÆRSTA Bonsai-tré sem flutt hefur verið hingað til lands er frá og með deginum í dag til sýnis í Blómavali á sérstakri Bonsai-sýningu sem stendur út mánuðinn. Tréð sem er 1.60 m á hæð, var flutt hingað til lands frá Kína og tók ferðin yfir hafið nokkra daga. Tréð var sett í gám við kjörhitastig og flutt til landsins með skipi. Að sögn Svövu Rafnsdóttur, garðyrkjufræðings hjá Blómavali, virtist ferðalag trésins um hálfan hnöttinn engin áhrif hafa haft á það. Tréð var vökvað vel og vandlega er það kom til landsins og heilsast því vel, ef svo má að orði komast. Ræktun Bonsai-trjáa krefst mikillar þolinmæði og nákvæmni, en trén þarf að vökva mjög oft svo þau nái réttu vaxtarlagi. Segja má að trén líti út eins og lítil, gömul tré en til að ná fram vaxtarlagi gamalla trjáa í svo smáum trjám er ýmsum kúnstum beitt. Að sögn Svövu eru Bonsai-trén í raun þvinguð til að verða lítil, pottarnir eru litlir og trén m.a. víruð niður til að ná rétta vaxtarlaginu. MYNDATEXTI:Steinunn Guðjónsdóttir, starfsstúlka í Blómavali, við 40 ára Bonsai-tréð.

Frekari upplýsingar