Flak breskrar sprengjuflugvélar sótt

Kaupa Í körfu

ÞEIR létust allir samstundis, mennirnir fjórir sem voru um borð í breskri sprengjuflugvél af gerðinni Fairey Battle, en hún fórst á jökli sem er á hálendinu milli Eyjafjarðar og Öxnadals 26. maí 1941. Brotlendingin er talin hafa verið mjög harkaleg. Nú rúmlega 60 árum eftir að vélin fórst er búið að hreinsa svæðið á jöklinum, en 15 manna leiðangur var að störfum í vikunni og lauk við hreinsunarstarfið. Meðal annars voru líkamsleifar mannanna fluttar með þyrlu Landhelgisgæslunnar TF-LÍF til Akureyrar. Hörður Geirsson á Akureyri leitaði vélarinnar í yfir 20 ár og bar leitin loks árangur síðsumars 1999. Hann hefur alls farið 22 ferðir á jökulinn á undanförnum árum. MYNDATEXTI: Sjö skothylki fundust á jöklinum og eyddu sprengjusérfræðingar Landhelgisgæslunnar þeim enda stafaði hætta af hylkjunum. Í hverju þeirra voru 2-300 skot þannig að sprengingin var gríðarleg og eftir hana myndaðist stór gígur.

Frekari upplýsingar

• SkráMBL0097559.jpg
• Breidd1920 dílar
• LjósmyndariÁrni Sæberg
• Hæð1508 dílar
• MerkingMorgunblaðið/Árni Sæberg
• Dagsetning
• Fyrsta birtingSunnudagur, 29. ágúst 2004
• Slóð/myndasafn/mynd/127685/