Árni Þór Sigtryggsson

Kaupa Í körfu

Árni Þór Sigtryggsson hefur slegið í gegn í handboltanum ÞÓRSARINN og vinstri handarskyttan Árni Þór Sigtryggsson hefur vakið mikla athygli sem handboltamaður þrátt fyrir ungan aldur. Hann fór á kostum með Þór gegn Val í bikarkeppninni í vikunni og skoraði þá 17 af 34 mörkum liðsins í sætum sigri á Hlíðarendapiltum. Árni Þór, sem er aðeins 19 ára gamall, er á lokaári á eðlisfræðibraut í Menntaskólanum á Akureyri og hann stefnir á frekara nám, auk þess sem hann ætlar sér enn stærri hluti í íþrótt sinni í framtíðinni. Árni Þór á ekki langt að sækja handboltahæfileikana, faðir hans Sigtryggur Guðlaugs lék með Þór til fjölda ára við góðan orðstír og eitt ár með ÍR. Bróðir hans Rúnar, sem er 13 árum eldri, hefur leikið með landsliðinu í mörg ár og sem atvinnumaður í Danmörku, Þýskalandi og á Spáni. Rúnar leikur með Eisenach í Þýskalandi og í vikunni tók hann jafnframt við sem þjálfari liðsins. Þá lék Dóra Sif systir hans einnig handbolta á sínum yngri árum. MYNDATEXTI: Árni Þór Sigtryggsson, handboltamaður í Þór.

Frekari upplýsingar

• SkráMBL0100805.jpg
• Breidd1888 dílar
• LjósmyndariKristján Kristjánsson
• Hæð2056 dílar
• MerkingMorgunblaðið/Kristján
• Dagsetning
• Fyrsta birtingFöstudagur, 29. október 2004
• Slóð/myndasafn/mynd/131112/