Einar Baldvin Árnason

Loka

Einarv Falur Ingólfsson

Einar Baldvin Árnason

Kaupa Í körfu

ÞÓRSARAR tefla fram mörgum ungum leikmönnum í meistaraflokksliði sínu í handknattleik. Sá yngsti kom fram í sviðsljósið í óvæntum sigurleik Þórs gegn Val á fimmtudagskvöldið. Það er hinn 15 ára Aron Einar Gunnarsson, sem er enn leikmaður í 4. flokki. Aron verður 16 ára 22. apríl. Þess má geta að bróðir hans, Arnór Þór Gunnarsson, 18 ára, leikur einnig með Þórsliðinu og skoraði hann tvö mörk gegn Val. Pabbi þeirra, Gunnar Malmquist, lék á árum áður með Þórsliðinu. Þess má til gamans geta að Einar Baldvin Árnason er yngsti leikmaðurinn sem hefur leikið í efstu deild karla á Íslandsmóti. Hann var nýorðinn 15 ára þegar hann lék með KR gegn Val í apríl 1990. Einar Baldvin, sem er sonur Árna Indriðasonar, fyrrverandi landsliðsmanns, er fæddur 6. desember 1974. Þegar Einar Baldvin lék sinn fyrsta leik stóð hann sig vel í vörninni og lét landsliðsmennina Valdimar Grímsson og Finn Jóhannsson finna fyrir sér. Hann fékk aðeins að spreyta sig í sókninni - fékk tvö marktækifæri og nýtti annað glæsilega. MYNDATEXTI: Einar Baldvin Árnason (t.h.) með Finn Jóhannsson í strangri gæslu í sínum fyrsta leik með KR.

Frekari upplýsingar