Engilráð andarungi

Loka

Jim Smart

Engilráð andarungi

Kaupa Í körfu

Engilráð andarungi hefur hreiðra um sig hjá Sjónarhóli - ráðgjafarmiðstöð fyrir foreldra barna með sérþarfir. Þó flestir fuglar geri sér hreiður á vorin þá stendur Engilráð í þessu núna síðsumars, enda er hún engum lík. Sjónarhóll - ráðgjafarmiðstöð og Stundin okkar hjá Sjónvarpinu eiga í samstarfi um gerð 10 stuttra, leikinna þátta um Engilráð andarunga. Ólafía Hrönn Jónsdóttir leikkona hefur tekið að sér hlutverk Engilráðar. Þættirnir verða á vetrardagskrá Stundarinnar okkar. "Engilráð er boðberi náungakærleika og umburðarlyndis og á erindi við öll börn. Hún er alveg sérstök önd og þarf eins og aðrir á lífsins leið að yfirstíga ýmsar hindranir bæði innra með sér og í umhverfinu. Hún lærir eitthvað nýtt í hverjum þætti sem hjálpar henni að þroskast og sjá tilveruna frá mörgum hliðum. Hún er bæði ráðrík og ráðagóð önd sem er einkar annt um starf Sjónarhóls og vill hvergi annars staðar búa," segir í frétt frá Sjónarhóli.

Frekari upplýsingar