Gleb

Loka

Árni Torfason

Gleb

Kaupa Í körfu

Hann er engum líkur og þrautseigur með eindæmum, þessi maður sem hefur eytt ómældum tíma á bókasafni heima í Rússlandi yfir hálfrar aldar gamalli dansk-íslenskri orðabók og annarri ensk-íslenskri. Með bækur þessar einar að vopni og án þess að kunna nokkuð í íslensku, hefur honum tekist að raða saman orðum í bréf á íslensku til að óska eftir vinnu og vænni konu hér á Fróni. Fyrsta bréfið frá Gleb Therekhin barst hingað til lands árið 1994 í gegnum faxtæki á Umferðarmiðstöðinni og var það meðal annars birt í Morgunblaðinu. Þar bað þessi 34 ára gamli maður um hjálp við að "kynnast með kvenmaður frá Ísafold, með tilgangur bréfaviðskipti". Hann biður viðtakanda að afsaka málfræðilegar villur sínar og tekur fram að í Rússlandi sé ekki til nein rússnesk-íslensk orðabók. Hann segist vonast eftir svari og kveður með mikilli virðingu "yður starfsamur íslenzkur þjóð". MYNDATEXTI. Gleb Therekhin á íslenskri grund.

Frekari upplýsingar