Brosað gegnum tárin

Loka

Sverrir Vilhelmsson

Brosað gegnum tárin

Kaupa Í körfu

VINSÆLASTA stúlkan, snyrtivörustúlkan, herra fatabúð, sokkabuxnastúlkan, gosdrykkjarstúlkan, og aðrir hefðbundnir titlar sem keppendum í fegurðarsamkeppnum hlotnast, fengu að víkja fyrir stílfærðri útgáfu á laugardaginn. Tilefnið var útgáfa bókarinnar Brosað gegnum tárin - Fegurðarsamkeppnir á Íslandi eftir Sæunni Ólafsdóttur. Ríkjandi fegurðardrottning Íslands, Unnur Birna Vilhjálmsdóttir, tók við eintaki úr hendi Sæunnar í bókabúð Máls og menningar við Laugaveg. Starfsmenn búðarinnar mynduðu fallegan bakgrunn og báru borða með titlum á borð við; skáldsagnagyðjan, stúlkan með eldspýturnar, herra menning, ljóðafljóðið, maðurinn með svörin og kiljustúlkan. Í bókinni er fjallað um sögu fegurðarsamkeppna á Íslandi, en í fréttatilkynningu frá Eddu útgáfu kemur fram að Íslendingar séu áreiðanlega fallegasta fólk í heimi sé miðað við höfðatölu - að minnsta kosti ef marka má fjölda Íslendinga sem tekið hafa þátt í svoleiðis keppni. MYNDATEXTI: Unnur Birna fær fyrsta eintak afhent frá höfundi.

Frekari upplýsingar