Clear Box öskjurnar

Loka

Sverrir Vilhelmsson

Clear Box öskjurnar

Kaupa Í körfu

Býr lítil Imelda Marcos í þér? Áttu skó í hundraðatali en engar hallir til að geyma þá í? Lendirðu gjarnan í glímu við skópör sem þvælast hver um önnur þver í fataskápnum, á forstofugólfinu, undir rúmi og bara hvar sem er? Þá gætu Clear Box öskjurnar verið lausnin. Þær eru í mismunandi stærðum sem henta undir skófatnaðinn, hattana og annað sem þarf geymslu við. Gegnsætt plastið tryggir að ekki þarf að kafa ofan í kassana til að sjá hvaða eftirlætisskópar þeir geyma og boxin gera það að verkum að hægt er að stafla dýrgripunum án þess að þeir fari í hrúgu eða rispi hvern annan. Öskjurnar er hægt að panta á vefsíðunni www.theclearbox.com en þar er m.a.að finna íslenskan birgi sem sendir vöruna heim að dyrum innan þriggja til fjögurra daga. Pakki með 10 skóboxum kostar 3.950 krónur og sama verð er á fimm stígvélaboxum en ýmsar útfærslur eru á pökkunum. Boxin koma samanbrotin en ku vera einföld að setja saman. Rúsínan í pylsuendanum er að þau eru framleidd úr umhverfisvænu efni sem skaðar ekki náttúruna.

Frekari upplýsingar