Gheorghe harmonikkuspilari

Loka

Jim Smart

Gheorghe harmonikkuspilari

Kaupa Í körfu

EITT af því sem tilheyrir utanlandsferðum okkar Íslendinga er að láta smámynt af hendi til tónlistarmanna sem hafa tekið sér stöðu á fjölfarinni götu og leika tónlist af miklum móð. Undanfarna daga hafa margir sem hafa lagt leið sína í matvöruverslanir á höfuðborgarsvæðinu orðið varir við slíkan farandspilara sem leikur á harmonikku af innlifun. Er þar um að ræða hinn brosmilda Gheorghe sem hefur lagt á sig ferð alla leið frá Rúmeníu til að gleðja eyru Reykvíkinga. Gheorghe hefur komið víða við með harmónikugarminn og leikið á hljóðfæri sitt í flestum stórborgum álfunnar. Hann ber Íslandi söguna sérstaklega vel, enda situr hann einn um hituna hér og fær óskipta athygli, öfugt við það sem tíðkast annars staðar í Evrópu. Gheorghe hyggst snúa aftur heim til fjölskyldu sinnar á mánudaginn og fer því hver að verða síðastur að berja þessa skemmtilegu viðbót við menningarflóru Reykjavíkur augum.

Frekari upplýsingar