Sjóstöng frá Ólafsvík

Loka

Kristinn Benediktsson

Sjóstöng frá Ólafsvík

Kaupa Í körfu

Fjörutíu keppendur tóku þátt í sjóstangaveiðimóti í rjómablíðu í Ólafsvík um helgina á vegum Sjósnæ. Kristinn Benediktsson fylgdi þeim nokkrum eftir, orðhvötum sjómönnum sem kalla ekki allt ömmu sína. N ú er eitthvað svaka þungt á," hrópaði Þiðrik Unason, skipstjóri og sjósportari, þar sem hann barðist við stöngina, sem stóð kengbogin út fyrir borðstokkinn á Sverri SH 126 frá Ólafsvík. Félagar hans þrír í hollinu gátu ekki fleygt frá sér sínum stöngum enda verða menn að berjast við sínar ófreskjur sjálfir á sjóstangaveiðimótum eins og því sem stóð yfir í Ólafsvík á vegum Sjósnæ um helgina. MYNDATEXTI: Áhöfnin á Friðriki Bergmann SH raðaði sér í verðlaunasætin en mátti varla vera að því að líta upp er ljósmyndari sigldi hjá. Til vinstri er Guðni Gíslason, sem fékk stærsta skötuselinn, þá Kristín Þorgeirsdóttir, sem varð önnur í kvennakeppninni, þá Jón Sævar Sigurðsson sem varð efstur í mótinu, Þorsteinn Jóhannesson, sem varð annar. Sigfríð Ósk Valdimarsdóttir, sem landaði kvenna mestum afla, var á öðrum báti. Á myndinni til hægri er Helgi búinn að fá stærsta kolann, ánægður með árangurinn.

Frekari upplýsingar