Veiðimyndir

Loka

Einar Falur Ingólfsson

Veiðimyndir

Kaupa Í körfu

"Fiskurinn var sérlega stór og feitur," sagði Björn Eriksson, hótelstjóri á Hótel Rangá, sem veiddi á þriðjudag í Heiðarvatni 96 cm langan urriða sem vó 12,5 kíló eða 25 pund. Sleppti hann fiskinum aftur í vatnið að mælingu og vigtun lokinni. "Á næsta ári verður hann kannski 15 kíló," sagði Björn. Urriðinn tók spún þar sem Björn sigldi um Heiðarvatn og "trollaði" eins og það er kallað, með spúninn í eftirdragi. Er þetta þyngsti urriði sem frést hefur af í sumar; álíka þungur og stærstu laxarnir. Þó er þetta ekki stærsti fiskur Björns úr vatninu í sumar, því fyrir þremur vikum veiddi hann einn sem mældist 97 cm en sá var heldur léttari, eða 12 kíló. MYNDATEXTI: Breski veiðimaðurinn Sir Richard Needham tekst á við sprækan lax í Bjargstreng í Langá. Áin hefur gefið rúmlega 800 laxa.

Frekari upplýsingar