Steinunn og Guðrún Lilja

Loka

Morgunblaðið/Skapti Hallgrímsson

Steinunn og Guðrún Lilja

Kaupa Í körfu

HANNES Sigurðsson, safnstjóri Listasasafnsins á Akureyri, á heiðurinn af tilurð Íslensku sjónlistaverðlaunanna. Veitt verða tvenn árleg verðlaun, ein fyrir myndlist og önnur fyrir hönnun. Verðlaunafé þessara fyrstu sjónlistaverðlauna er fjórar milljónir í allt, tvær á hvorn vinningshafa. Sjónlistaverðlaunin eru töluverð að umfangi, sýning er haldin á verkum tilnefndra listamanna og í ár verður haldin alþjóðleg ráðstefna tengd verðlaununum. Ekki má gleyma klukkustundar beinni útsendingu frá verðlaunaafhendingunni í sjónvarpi þann 22. september nk., á borð við útsendingar frá Edduverðlaunum og Íslensku bókmenntaverðlaununum. Vonast má til að þetta opni augu sjónvarpsmanna fyrir möguleikunum sem myndlist býður upp á sem sjónvarpsefni. MYNDATEXTI Steinunn og Guðrún Lilja "Fatalína Steinunnar er óendanlega fáguð og glæsileg, hér er hrein fullkomnun á ferð. Húsgögn Guðrúnar Lilju búa yfir mýkt og töfrum en hafa þó yfir sér nútímalegan, heimsborgarlegan blæ."

Frekari upplýsingar